2017 ОНЫ 03 ДУГААР САРЫН 1-Р АРАВ ХОНОГИЙН ЦАГ АГААРЫН НӨХЦЛИЙН ТОЙМ

                                  Өнгөрсөн 10 хоногийн цаг агаарын байдал

   Агаарын температур: Өнгөрсөн 10 хоногт агаарын дундаж температур хангайн уулархаг нутгаар 8.2-18.3 градус хүйтэн, говийн нутгаар 1.0-6.0 градус хүйтэн, харин хээр талын бүсийн нутгаар 2.2 -6.8 градус хүйтэн байлаа.

    Агаарын үнэмлэхүй бага температур нь: Байдраг 1, Гурванбулагт 4 өдөр тус тус  -30 градусыг давж  хүйтэрсэн байна.    

   Хөрсний гадарга дээр дунджаар: Хангайн уулархаг нутгаар 10-18 градус хүйтэн, говийн нутгаар -4.0 градус хүйтнээс 6.0 градус дулаан, хээр талын бүсийн нутгаар 0-5 градус хүйтэн байв.

  Хөрсний үнэмлэхүй бага температур нь:  Нийт сумдад -40 градусыг давж хүйтэрээгүй байна.

             Тунадас: Энэ арав хоногт Баянхонгор, Баянцагаан сумуудад 0.0мм, Шинэжинст 0.4мм буюу хамгийн их хур тунадас орсон. Бусад сумдаар хур тунадас ороогүй.

            Салхи: Энэ арав хоногт говийн нутгаар салхи шуурга  ихтэй байв. Салхины хамгийн их хурд:  Богд 22м/с, Баянцагаан 20м/с, Бөмбөгөр, Бууцагаан, Баянговь, Баянлиг, Шинэжинст, Эхийнгол сумдаар 10-14м/с, бусад бүх  сумдад 4-8м/с хүрч шуурсан байна.

Бэлчээрийн усан хангамж сайн. Худгийн ус  болон булаг шанд,  цасны усаар ундаалж байна.  

 ХАА-н үйлдвэрлэлд хэрхэн нөлөөлсөн тухай тойм

• Цаг агаарын байдал мал аж ахуйд малчид хаваржаа бууцаа засах, сэлбэх гэх мэт хаваржилтын бэлтгэлээ хийж байна.  Зарим газар отор нүүдэл хийх зэрэг ажил явагдаж байна.
• Зам даваа хаагдсан мэдээ ирээгүй.
• Мал аж ахуйн үйлдвэрлэлд бог мал төллөж эхлэж байна.
• Энэ арав хоногт агаарын температур өмнөх 10 хоногтой харьцуулахад 4-6  градусаар дулаарсан байна.
• Энэ 10 хоногт цаг агаарын аюултай үзэгдлийн мэдээ ирээгүй байна.
• Нийт нутгийн 35 орчим хувь нь цастай, хаваржилт хэвийн байна.